احلم واعيش الحلم


احلم واعيش الحلم

دلوقتى مش بعدين

لا اصبر ولا استنى من حقى اشوفلى يومين

ومش مهم ازاى ولا خدنى حلمى لفين

ما هو كل شىء للبيع وانا هاشتريليلى حبيب

احلامى جوة بوتيك انواره بتلالى

الماظ دهب وحرير

بس الدهب غالى

وعيون تلاقى عيون وقلوبنا بتدارى

اصوات على التليفون فى التوهة بتنادى

باحلم بفارس جاى راكب حصان ابيض

يخطفنى وسط اليل

وياخدنى للعالى

احلم واعيش الحلم

دلوقتى مش بعدين

لا اصبر ولا استنى من حقى اشوفلى يومين

ومش مهم ازاى ولا خدنى حلمى لفين

ما هو كل شىء للبيع وانا هاشتريليلى حبيب

كان نفسى احب واعيش لكن زمان غريب

الحب يملى القلب لكن ما يملاش جيب

واكدب على الايام علشان الاقى نصيب

وبادارى لوعة وخوف واتمنى الاقى حبيب

صدق يا قلبى وعيش الكدبة لو حلوة

وانسى الحقيقة وتوه لو جارحة او مرة

الدنيا غنوة شوق والرقصة وخدانى

دخان يعدى النور يلعب فى وجدانى

الدنيا ديسكو كبير مزيكته سحرانى

والكل حب وطال وانا لسة وحدانى

لو اعدى جسر الخوف والحزن ينسانى

كان يبقى لية حبيب ولا عمرى اتوه تانى

احلم واعيش الحلم

واتوه تانى

هناك تعليقان (2):

محمود يقول...

ياااااه فينك يا عم من زمان عودا حميد

صحصح يقول...

انا بحب الأغنية دي جدا جدا .. مش لانها صح .. لكنها علي قد ما هي تافهة إلا أنها واقعية جدا و حقيقية جدا ..