مشاعر لم اقوى على ان اخفيها

أحتاج الان لان ابكى
نعم فالبكاء قد يريحنى قليلا
اشعر بالخوف الشديد
واتسائل لماذا لا تحدث المعجزة كما فى الافلام الاجنبية التى نشاهدها
لماذا لا اغمض عيناى وافتحها لاجد نفسى اعيش فى عالم اخر
عالم ملىء بالفضيلة
عالم ملىء بالعدل
هل انا مجنون او مخطىء حينما اود ان احيا حياة تمتلىء بالعدل
اريد ان اشعر بانسانيتى
اريد ان اشعر انى فى المكان المناسب
اريد ان اشعر بالراحة
الا يمكن هذا
اليس مسموح لى بهذا
سأمت من كل من حولى
سأمت من ان كل شخص يفكر فى نفسه فقط
سأمت من هذه البلد
سأمت من كثرة الظلم
اتمنى ان ابكى فى حضن احد
اشعر وكأننى طفلا تائه
وحيد خائف يسير وحده فى طريق طويل مظلم
هل ساظل اسير فى هذا الطريق وحدى هكذا
اشعر انى اريد البكاء كثيرا و كثيرا
ولكن الدموع لا تنزل و كأنها تعلم ان لن يكون هناك من يمسحها
اريد ان يربت على كتفى احد
لا اعلم ان كنت شخص قوى ام ضعيف
لا اعلم ان كنت ساستطيع ام لن استطيع
اشعر ان الدائرة تضيق على كل يوم
اصرخ ولا يسمعنى احد
يا رب انا محتاجك جنبى قوى
محتاج عدلك
محتاج قضاؤك
انا عارف انى باغلط كتير
عارف انى مذنب
ولكنك انت الغفور الرحيم
اغفرلى يا الله
الهمنى الصبر والسكينة
انا مش لاقى حد غيرك اشكيله همى
انا تعبان ومحتاجلك قوى يا رب
محتاج حبك
محتاج رضاك
يا رب انا خايف وعايزك تطمنى
محتاج احس انى مطمأن
يا رب انا محتاجك جنبى يا رب
يا رب
يا رب
انت تعلم انى حاولت ان اتحمل كل ما مر على من ضغوط
ولكنى لم اعد اقوى على الاستمرار
يا رب محتاجك قوى

مسألة مبدأ

كل الجروح ليها دوا
يا طير يا حايم فى الهوا
اطوى الجناح على الجراح
واضحك
ويلا نطير سوا
انا مش هابيع الصدق بالاكاذيب
ولا اقولش للحمل الوديع يا ديب
ولا اقولش للديب يا اعز حبيب
والصدق مهما عز فى الازمة مش هاهتز
وانا مهما اقع راح اقوم
وديه مسألة مبدأ
كل الجروح ليها دوا
يا طير يا حايم فى الهوا
اطوى الجناح على الجراح
واضحك
ويلا نطير سوا
بجد بص اتأمل
كدب يتصدق
يا ليل تطول بوكرة تلقى
الفجر بيشقشق
انا فى انتظار الصباح
انا اتدويت من الجراح
وخلاص نسيت اللى راح
ومن جديد هابدأ
وديه مسألة مبدأ

يا عم آدم

يا عم ادم عيالك متبعترين فى المتاهة
دوسنا بقدمنا خيالك
وحياتنا ضلت خطاها
يا عم ادم
مدينا فى الكون خطانا
يا عم ادم
زيدنا فى غلطنا وخاطانا
يا عم ادم
واما زماننا عطانا
صرنا لابليس بطانة
طلع الذى منا فينا
ولا دى علة ده فينا
يا دنيا لا تلفلينا
ولا تلعبى بالسفينة
ورسيها على مشتهاها
يا عم ادم عيالك متبعترين فى المتاهة
لما رفضنا رضانا
روحنا برضانا لقضانا
يا عم ادم
سكنت همومنا فى عضانا
وصريخنا ضاع فى فضانا
يا حلم بيننا وبينك بحرين
و مستصعبينك
وبشوقنا مستقربينك
جاوب على طالبينك
بلغ قلوبنا مناها
يا عم ادم عيالك متبعترين فى المتاهة
يا عم ادم

رسالة الى امى وابى

لو كنتم تعرفوننى حقا
- لعرفتم كم كنت اشعر بالخوف حين تتشاجرون معا.
- لعرفتم كم كنت اشعر بعدم الامان حين تهددينى يا امى كل لحظة بانك سوف ترسلينى الى ابى.
- لعرفتم كم كنت ابكى وانا وحدى ولا استطع ان ابوح بمشاعرى امامكم.
- لعرفتم كم كان يجرحنى نظرات زملائى وهم يتسألون اين ابى.
- لعرفتم كم كان يجرحنى قولك يا امى لى بانى اشبه ابى.
- لعرفتم انى اتمنى ان ارتمى فى حضن احدهم لاشبع احتياجى للحب.
- لعرفتم كم تمنيت الموت لارتاح من آلامى.
- لعرفتم كم الوجع الذى بداخلى.
- لعرفتم انى لست سيئا الى هذه الدرجة.
- لعرفتم انى احبكم رغم قسوتكم وترككم لى.
- لعرفتم اننى كنت احتاج لوجودك يا ابى جانبى.
- لعرفتم انى كنت اتمنى ان ترسمى صورة لابى داخلى يا امى افضل مما رسمت.
- لعرفتم كم كان يجعلنى اختنق سيطرتكم على الشديدة.
- لعرفتم انى ابكى الان.

رسالة حب فى عيد الحب


رسالة حب فى عيد الحب

لكل من سيقرأ هذه الرسالة


لكل من رسم البسمة على شفتاى


لكل من ساهم فى ان يعرفنى على ذاتى


لكل من ساندنى و شجعنى


لكل من يعاملنى كانسان


لكل من رسم فى حياتى خط


لكل من يحبنى
ولكل من احبه.....


كل عام وانتم فى احلى واجمل حالة حب.

مش باقى منى

مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي بين الحياة والموت
مش باقي مني غير شوية نبض ف عروقي
خُدي.. وعيشي..وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النارهاشتاق إلي ضحكتك
وقعدتي ف الدار
والقهوة متحوجة
من طيبة العطار..ف كل يوم الصبح
باشرب حليب قبطي
وف النهار والمسا
بامسك ستار الكعبة
لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكره
مشربتهم الخفافيش
في قلب أوكارهم
مش باقي مني غير شوية دم..
ماأقدرشي
أسقيكي.. مواجعهم
وبرضه ما أقدرشي
أرميكي..وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني..
غيرشهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمرموكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..ولا صوت بناتي العذاري
في كل صبحية..
والغنوة..
أمنية«ياما نفسي أقابل حبيبي..وانا ع الزراعية»..
صوتك وصوتهم غاب..
وانا تحت حجر المقطم..
باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف....
خيال الذل..
ف موائد الرحمن..
مش باقي مني غير شوية كُفر بشروقك
وأنا..منبع الايمان.
.مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني.....
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي اناولا هاشيل حملك ؟!
ماعدت أملك شيء..فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني


كلمات كتبها جمال بخيت

سيرتى الذاتية

قررت اليوم ان اعرفكم عن نفسى اكثر
لعلنى وانا اعرفكم عن نفسى اتعرف انا ايضا عليها

-انا اخاف من الاماكن المرتفعة.
-انا اخاف من الصوت العالى.
-احب ان اشاهد الافلام الرومانسية وافلام الرعب.
-احب نفسى كثيرا قد تصل فى بعض الاحيان لدرجة الانانية.
-لا احب اسلوب امى وابى فى التعامل معى فكلاهما يتعامل بطريقة خاطئة معى.
-اشعر كثيرا بالوحدة حتى وان كان حولى الكثير من الناس.
-اشعر بعدم الثقة فى النفس.
-متقلب المزاج كثيرا.
-احب التفوق والتعلم.
-كنت اتمنى ان اكون مهندس ديكور او مذيع مشهور.
-طموح لدرجة كبيرة جدا.
-احب السينما كثيرا.
-اخاف من المواجهات.
-احب التغيير دائما وارحب به.
-احتاج لأب.
-لا اشعر بالأمان.
-احب المال كثيرا وارى فيه الامان.
-اعانى من مشكلة نفسية.
-رومانسى من الداخل كثيرا وعملى من الخارج كثيرا.
-حساس لدرجة بعيدة.
-ذكى واستطيع ان افهم ما بين السطور.
-افتقد الاقدام فى حياتى.
-لا استطيع النفاق.
-اتمنى ان اعيش قصة حب اسطورية.
-اخاف من المرض والموت.
-لست متدينا بالدرجة الكافية.
-اشعر بتأنيب الضمير كثيرا.
-اشعر بالضعف النفسى.
-احب الشهرة.
-احب السلطة.
-لا احب الاستيقاظ مبكرا.
-لا احب عملى.
-احب صوت انغام كثيرا.
-اعشق المرأة القوية.
-اتمنى ان امارس الرياضة.
-احب النظام واكره الفوضى.
-اكره الانسان السلبى.
-لا استطيع التعامل مع بعض البشر.
-بداخلى صرخة مكتومة.
-احب قراءة الابراج مع العلم انى برج الجوزاء.
-اكره الماضى.
-احب التسوق كثيرا.
-احب القهوة.
-اكره الشجار.
-اكره جسدى.
-اعانى من القلق والتوتر الدائم.
-احب جدتى كثيرا.
-لا احب لحظات الوداع.
-هادىء الطباع ولكن داخلى يغلى.
-اشعر ان نهايتى ستكون مأساوية ولا اعرف لماذا.
-اخاف ان اجرح شعور من حولى.
-احب اشعار صلاح جاهين.
-احب سعاد حسنى و يسرا.
-احب روايات احسان عبد القدوس.
-احب احمد السقا.
-استاذى فى الحياة هو دكتور اوسم وصفى.
-احب فيلم السلم والثعبان,عن العشق والهوى, تيتو.
-احب اللغة الفرنسية.
-اتمنى ان اعيش فى لندن.



وقد كان هذا هو ما تذكرته عن نفسى فى سطور .....
اعلم ان هناك اشياء اخرى لا اعلمها عن نفسى ولكن هذا مااعلمه وما حاولت ان اخرجه.

خاطرة

قرأت يوما فى رواية للكاتب الرائع احسان عبد القدوس جملة تقول :
ليس الانسان هو الذى يصنع الظروف
ولكن الظروف هى التى تصنع الانسان
لا اعلم لماذا تذكرتها الان
ولكنى اخذت افكر فيها
هل حقا انا الذى صنعت ظروفى ومشاعرى وآلامى
ام هى التى صنعتنى
ادركت حينها
انى انسان جديد معكم الآن بفضل ما مر بى من احداث و ظروف
على الرغم من كونها سيئة ولكنها صنعتنى انا انسان مختلف
له شخصية مختلفة
له اهتمامات مختلفة
والسؤال الآن نعم الظروف قد صنعتنى
ولكن أنا من استطع ان امهد لمستقبلى بفضل الله
انا من استطع ان ارسم طريقى القادم
انا من يستطع ان يتجدد
انا من يستطع ان يظل انسان جديد يتجدد

بنات بنات


بنات بنات

فى بلد البنات

كل البنات

مالية جيوبها سكر النبات

فى بلد البنات

كل البنات

ماشية وظابطة فى ايدها الساعات

وقبل ما تقفل بيبان البيوت

وقبل ما ينزل ضلام الحارات

فى بلد البنات بتجرى تروح

بنات بنات

فى بلد البنات

كل البنات

لما بتضحك بترقص قلوب

لما تغنى تاخدنا الآهات

بنات بنات

فى بلد البنات

كل البنات

بتحلم تضوى زى النجوم

بتحلم ترفرف زى الرايات

بنات بنات

بتقدر تعاند وتقدر تثور

لكن ساعات كتير من الساعات

دق الساعات

بيجرح حاجات ويخنق حاجات

فى بلد البنات كل البنات

بنات بنات

حدوتة

ما نرضاش يخاصم القمر السما
ما نرضاش تدوس البشر بعضها
ما نرضاش يموت جوة قلبى نداه
ما نرضاش تهاجر الجذور ارضها
ما نرضاش
قلبى جوة يغنى
اجراس تدق لصرخة ميلاد
تموت حتة منى
الاجراس بتعلن نهاية بشر من العباد
ديه الحكمة قتلتنى وحيتنى وخليتنى
اغوص فى قلب السر قلب الكون
قبل الطوفان ما ييجى خليتنى
اخاف عليكى يا مصر واحكيلك على المكنون
مين اللى عاقل فينا مين مجنون
مين اللى مدبوح من الالم
مين اللى ظالم فينا مين مظلوم
مين اللى ما يعرفش غير كلمة نعم
مين اللى بيبيع الضمير ويشترى بيه الدمار
مين هو صاحب المسألة والمشكلة والحكاية والقلم
رأيت كل شىء وتعبت على الحقيقة
قابلت فى الطريق عيون كتير بريئة
عرفونى لا
لا ما عرفونيش
قبلونى وقبلتهم
بامد ايدى لك طاب ليه ما تقبلنيش
لا يهمنى اسمك لا يهمنى عنوانك لا يهمنى لونك ولا ميلادك مكانك
يهمنى الانسان ولو مالوش عنوان
يا ناس ياناس يا مكبوتة
هى ديه الحدوتة


اجزاء من اغنية حدوتة مصرية للصوت المصرى الاصيل الملك محمد منير

انسان جديد يتجدد

اعتقد ان ما يوجد بداخلى من سلبيات
كان نتيجة اشياء واحداث كثيرة حدثت فى طفولتى
كان من اهمها خوضى لتجربة انفصال ابى وامى
وايضا تعرضى لاساءات كثيرة لم اكن ادرك وقتها انها اساءات جنسية
حيث انى كنت اعتقد ان الاساءات الجنسية هى الاعتداء الجنسى فقط
ولكنى قد ادركت ان الاساءات الجنسية قد تكون فى اوقات كثيرة بصورة غير مباشرة
وايضا تعرضى لمعرفة جنسية تسبق سنى بمراحل
بسبب تعرفى على زميل فى دراستى
ايضا بسبب تعرضى للاساءة من قبل اهلى
واحساسى بضآلتى بسبب شخصية امى القوية
ومحاولتها الدائمة لتثبت لى انى لا املك التدخل او التحكم فى اى شىء
وايضا تعرضى لرؤية العديد من الشجار بين ابى وامى
مما جعلنى اشعر بالخوف الشديد وعدم الامان
ايضا تعرضى للعنف من قبل خالى وانا صغير
وايضا بسبب تعرضى للاستهزاء والرفض من قبل بعض الزملاء فى المدرسة
مما قد سبب عندى العديد من المشاكل النفسية والسلبيات
وكان يجب ان اعترف بضعفى وبمرضى النفسى
وابدأ فى طلب العلاج والتعافى
ومازالت اتعرض لفترات اكتئاب وفترات نضوج
ولكنى احاول ان امحو الام الماضى
واتعافى واصبح انسان جديد قادر على مواجهة الحياة وقادرعلى تقبل ضعفه
انسان جديد يتجدد

مشوار طويل

مشوار طويل فى وسط ليل ما فيهوش قمر
وقلب تايه احساس بغربة من البشر
وانا وحدى بامشى فى سكتى
موجود باعافر بانتصر
باقع عزيمتى بتتكسر
باقف واكمل خطوتى
الاقى هدفى فى سكتى
شايف فى اخر الضلمة نور
لو حاشنى سور اهده هد
احساس بجد بانى هاوصل من غير ما قلبى يساعده حد
مشوار طويل

لخبطة

جوايا كلام كتير مش قادر اقوله
جوايا صرخة مش راضية تطلع
جوايا دموع محبوسة ومش راضية تنزل
جوايا خوف جوايا الم جوايا ندم
انا مش عارف انا اللى باعمله ده صح ولا غلط
مش عارف بس انا كان الحمل تقيل علية قوى
ما كنتش قادر استحمل افضل شايله جوايا اكتر من كدة
حاسس انى عريان من غير هدوم
والناس كلها واقفة بتتفرج علية
خايف من ربنا
انا مش عارف انا تايه قوى
مخى هينفجر من كتر التفكير
تقريبا ما بانامش
حاسس انى عايش ومش عايش
خايف قوى من اللى جاى
سامحنى يا رب
سامحينى يا امى
سامحنى يا ابويا