الدنيا

ياللى بتسأل عن الحياة خدها كدة زى ما هى
فيها ابتسامة و فيها آه
فيها قسية و حنية
ياما الحياة فيها اللى بيشكيها
واللى بيرضيها
واللى يقاسيها
الدنيا ريشة فى هوا طايرة بغير جناحين
احنا انهردة سوا وبكرة هنكون فين فى الدنيا
دنيا تدور مهما تدور
ماهى بتدور سواقينا
فى عطشنا فى المنا ما بتنساش تداوينا
لينا الحب لينا
قبل الجراح ما تدق بابنا
جينا ومادين ايدينا
اللى يصيبنا اهو من نصيبنا
دنيا بتلعب بينا ليه
ايه راح ناخد من ده ايه

نص حالة

واللى عيشنا العمر نحلم بيه نلاقيه
بين ايدينا ولسة بندور علية
زى كدبة عايشة جواها الصراحة
نص ضحكة ....نص فرحة ....نص راحة

قصة الامس

بالامس حدثت مشادة بينى انا وبين امى وابى
كانت كباقى المشادات ولكنى احسستها وكأن بها نوع من المواجهة لنفسى
ادركت انى كنت اخطأ فى اشياء كثيرة
نعم هم اخطأوا ولكنى ايضا اخطأت
ادركت انهم يخافون على
يحبونى
قررت ان امارس ما طلبوه منى ليس رغما عنى ولكنه برغبتى انا
احتاج لان اعيش الفترة القادمة فى هدوء وسلام
احتاج لان اقترب اكثر من امى وابى
احتاج ان انظر اليهم نظرة جديدة
احاول ان ابدأ صفحة جديدة
انا لا اريد الانتقام منهما
ولكنى اريدهما جانبى
احبك يا امى نعم احبك
واحاول ان اقترب منك يا ابى
واحاول ان اتخلص من صورة الماضى
ادعوك يا الله انت تساعدنى على ان افعل ذلك

لماذا ؟

لماذا اعيش انا تلك الحياة ؟
لماذا يجب على ان اظل احتمل كل هذا الصراع ؟
لماذا يجب ان اظل الابن المطيع ؟
لماذا يتوقع الاخرون منى الكثير ؟
لماذا يجب ان اظل انا الافضل ؟
لماذا يجب ان احتمل هجر الاخرين لى ؟
لماذا يجب ان تظل الدموع مسجونة بداخلى ؟
لماذا يجب ان يظل قلبى نابضا ؟
لماذا يجب ان اظل ابحث عن الحب دائما ؟
لماذا يجب ان اتحمل مسئولية كل شىء وحدى ؟
لماذا يجب ان.......................
لم اعد استطع الكتابة اكثر من ذلك فقلبى يؤلمنى كثيرا
اه واه يا قلبى الموجوع

عنوان بلا سطور

كلنا بنغلط ...... كلنا لازم نغفر

وقف الشريط فى وضع ثابت

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بوكرة بقى امبارح فى حضن زمان
وبعد بوكرة فوق همومك فات
مفيش شريط مأجور ولا خوان
ولا شريط له بيبان

كتبها الرائع الراحل صلاح جاهين
وقالتها بصوتها المميز والحساس الراحلة الجميلة سعاد حسنى

ما بخارجى وما بداخلى

ما بحبش حد يشوف اى دموع فى عينية

علشان لا اصعب عليه ولا يزعل علية

ما بحبش ابان مغلوب ضعيف وصورتى فى نظر الناس تتهز

ولا حد يشوفنى يقول مسكين يا عينى عليه مالهوش حظ

واضحك وكأن الضحكة بجد

مش محتاجة طبطبة من حد

ما انا لو بانكسر من جوايا مش عايز فى نظر الناس اتهد

على فكرة انا باكدب انا محتاج الناس تشوف الدموع اللى فى عنية
محتاج حد يطبطب علية
محتاج اقول انى مكسور من جوايا زى الزجاج
انا على فكرة ما كنتش ناوى اكتب غير الكلام اللى فوق
بس بعد ما كتبته حسيت ان ده اللى فعلا برايا
بس اللى جوايا احساس تانى خالص
حسيت انى عايز اكتب