لحظة وجع


طفل يجلس بين ابوه وامه وجدته

منكس الرأس لا ينظر لهما

لا يقوى على النظر فى أعينهما

خائف....يحاول ان يتحامى فى جسده هو

تبدأ الاصوات فى الدخول الى اذنيه رغما عنه

امه: انت مش مؤدب..انت مش محترم..انت مش متربى

ابوه: انا مش قادر اعملك حاجة..عملت كل اللى اقدر عليه

جدته: انا بحبك...انت احسن واحد فى الدنيا

امه: يا ريتك طلعت متربى...انا معرفتش اربيك

ابوه: انا ضحيت كتير علشانك

جدته: ما تخافش انا معاك

امه: انت ما تستاهلش اى حاجة حلوة

ابوه: يصمت وينظر باستسلام

جدته: انا بخاف عليك وعايزاك تكون مبسوط

امه: انتى اللى مبوزاه ...خليك ماشى وراها وبوكرة هتندم

ابوه: انا تعبت من مشاكلكوا ديه انا هاسيبكوا وابعد

جدته: بحبك

امه: يا ريتك طلعت ولد متربى انا ندمانة انى خلفتك



وتظل هذه الاصوات تتكرر بسرعة وبقسوة وبشدة

تدخل اذنيه تعصف بكيانه

تنزل دموعه يرتجف جسده الصغير

يشعر ببرودة شديدة بداخله

يتمنى لو ان يختبىء فى حضن احد

وتتكرر الاصوات بسرعة شديدة

ينطق الطفل بصوت محشرج مكتوم
شششش كفاية


هناك 7 تعليقات:

غير معرف يقول...

انت متعرفش تسمع من ودنك اليمين و تتطلع من ودنك الشمال

خللي ودانك ماتسمعش غير الكلام الطيب و الحلو
وتتجاهل تماما الكلام الاخر السئ
مهما حصل الحياة بتمشي
انت بتعيش كام مرة ؟
هي مرة واحدة
علشان كده لازم تفكر تعيشها صح و سيبك من اللي بيعكنن عليك عيشتك

مجاهد يقول...

إنسان جديد
ربنا معاك وتقدر تتخطى ألامك
أنا بتابع رسايلك بإسمرارلكن أحيانا بعجز عن التعليق
بعترفلك حتى فى هذه الرسالة لا أستطيع التعليق
لكن اللى أقدر أقولهولك بدعيلك

Go2LIghtGO يقول...

لحظة وجع دى كلمة قليلة
بس وجع شفاء

أثمن من اللآلئ يقول...
أزال المؤلف هذا التعليق.
غير معرف يقول...

أبني... أعتذر عن كتابتي بغير معروف
لكنك ستعرفني .. سواء في قراءتك لتعليقي هذا او عندما نتقابل غداً
لكني .. افضل الكتابة بمجهول
============================
لحــظة وجع :-
==========
كنت فيها بطل ... شجاع... في منتهى الإحترام، محب لذاتك ... لم يكن في قلبك مكان للكره لكي تكره ابوك وامك.

شعرت بك وكأن هناك ماراثون داخل جسدي ... وكأني أجري من أفكاري , تلعثمت الأفكار ... نعم الافكار كانت تنطق ... كنت اتماسك حتي لا ابكي

بالرغم من كل هذا كان هناك من يريد أن يضمك ويحتضنك

أشعر بك وكأنك قط يعبر طريق سريع تدهسة عجلات السيارات وهو يتخبط في واحدة تلو الاخرى حتي يعبر الطريق

نعم قد استنفذ السبع ارواح

ولكنك كنت أكبر بكثير من ذاك القط ،

نعـــم ... فأنت كنت

إنسان جديد

تحياتي
أمك

صحصح يقول...

كفاية ... انا برضه كنت دايما أحاول أقولها بصوت عالي ليهم..كنت بتمني اصرخ في وشهم بيها ...

البحث عن الذات يقول...

ازايك صديقي

انا مش عارف بس لازم اسئل
هي الي علقت لك هني فعلاً أمك
امك بحق وحقيقي

اتمني انه تكون هي
..