دواير

أنا ليه حاسس ان حياتى كلها متلخبطة
جوايا احتياجات كتير قوى ومش عارف اخدها من حد
جوايا خوف جوايا حيرة جوايا الم
جوايا دموع جوايا حنين جوايا ندم
هو انا ليه ابويا عنى بعيد
وليه امى مش حاسة بية
اقولكوا على حاجة بصراحة
انا ساعات باحس انها برده هى وبابا بيخافوا علية وبيحبونى
بس للاسف كبريائهم وعندهم خلاهم ما يقولوليش كدة
انا تعبت قوى انا نفسى يقولولىى بنحبك
نفسى اترمى فى حضنهم
نفسى ابكى قدامهم
انا تعبت من اللى انا فيه
انا محتاج حد يحس بية
محتاج اب وام يفهمونى
محتاج ارجع طفل تانى
محتاج ما اشيلش هم حاجة فى الدنيا غير اللعب
انا تعبت علية مسئوليات كتير
بين بابا وماما وشغلى وحياتى
حاسس انى بالف فى دائرة
وبادور على حاجة معينة
انا عارفها بس برده مش عارفها

بنلف فى دواير والدنيا تلف بينا

ونرجع ننتهى لمطرح ما ابتدينا

طيور الصبح تايهة فى عتمة المدينة

بندور

بنلف فى دواير ندور ع الامان

ونلاقينا رجعنا تانى لنفس المكان

ندور ندور ندور