انا جوايا الف سؤال مش لاقيلهم اجابة
انا ليه كل حاجة فى حياتى ما بتجيش بسهولة
انا باحاول افتكر انا ايه فى حياتى وصلت ليه من غير ما يطلع عينى فى امه مالاقيتش حاجة
انا بجد تعبان قوى
عايز اصرخ وابكى واقول كفاية كدة انا مش قادر اكمل
هو انا هافضل انا الكويس لحد امتى
لحد امتى كل الناس هتفضل تيجى علية وتستغلنى
انا مش قادر اتحمل اكتر من كدة حاسس ان الضغط عمال يزيد علية ومش طايق نفسى ومش طايق حد
والمفروض انى اكون كويس مع كل الناس وما اجرحش حد وما ازعلش حد مالوش ذنب
بس تعبت ومش عارف اخر الموضوع والوضع اللى انا فيه ده ايه
كل طرف بيضغط علية شوية لما خلاص بقيت حاسس انى مش قادر اكمل
تعباااااااااااااااااااااااااااااااااااااااااان
هناك 4 تعليقات:
بالظبط ما أشعر به تماما
تعرف انا وصلت لدرجة ان الحاجه لو جات سهله بقيت اشك فيها
يعنى اتعودت دايما انى ما اسعى اليه لازم يطلع عينى فيه
وكنت لسه بفكر
ان انا لازم اواجه حتى لو ادى ان الناس تتقمص منى وتزعل وتخيل بقى دول مش اى ناس
كلامى ده لى معانى كتيره اوى جوايه ولما قريت مقالتك حسييت كأنك بتحكيلى على اللى بفكر فيه
انا حاسس باحساسك يا انسان جديد
و يا مجاهد
كل حاجة بصعوبة و ضغط عصبى
و تعب
بس ده مش هيستمر مش هيستمر ده ليه نهاية ختى لو كنت انا تعبان دلوقت ليه اخر
يا رب افتح عنى عشان اعرف ان فى اخر
أنا سعيد بغضبك من الضغط المفروض عليك أن ترضي الجميع دائماً ولا تكون نفسك. صديقي. كن نفسك وليقبلك من يقبل ويرفضك من يرفض! كن ما تريد أن تكونه! اختر حياتك وعشها. اقبل منها ماتريد أن تقبله وغير ما تريد تغييره.
اللهم امنحني السكينة أن أقبل ما لا أستطيع أن أغيره والشجاعة لأن أغير ما أستطيع أن أغيره والحمة لأعرف الفرق.
اللهم امنحني "أنا" السكينة والشجاعة والحكمة لكي أستخدمها "أنا" وليس أي شخص آخر.
أنا الذي أختار وأقرر وأعمل على ما أريد أن أعمل عليه. نعم!
تالت تطفل من غير دعوه...أتمني متكونش زهقت.
بس كل بوست بيوديني للتاني.
ده أكتر بوست حسيت بيه...ألم مستمر في حياتي . بس زي ما بيقول go2light ليه نهاية. و نهايته لما اتعرفت علي أشخاص زيك.... انت منضم لبلوج لمجموعة المساندة العربية؟؟ ياريت
إرسال تعليق